عشرہ مبشرہ

عشرہ مبشرہ حضرت محمد مصطفی صلی اللہ علیہ وسلم کے وہ صحابہ ہیں جنہیں زندگی میں ہی جنت کی بشارت دے دی گئی۔

• ابوبکر صدیق

• عمر فاروق

• عثمان غنی

• علی المرتضی

• طلحہ بن عبید اللہ

• زبیر ابن العوام

• عبدالرحمن بن عوف

• سعد بن ابی وقاص

• سعید بن زید

• ابوعبیدہ ابن الجراح

عَشرَۂ مُبَشَّرَہ صَحَابَۂ کِرَام

• ـــــــــــــــــــــــــــــــــــــــــــــــــــــ(1)ـــــــــــــــــــــــــــــــــــــــــــــــــــــ*

           *خَلیفةُالمُسلِمِین اَوَّل*

نام ــــــــــــــــــــــــــــــــــ عَبدُاللّٰه. لقب ـــــــــــــــــــــــــــــــ صِدّيق و عَتِيق. کُنّیت ـــــــــــــــــــــــــــ اَبُو بَكر. نام پِدَر ــــــــــــــــــــــ عُثمَان (اَبُو قحَافَہ) نام مَادَر ــــــــــــــــــــ سَلمٰى (اُمُّ الخَير) سَالِ تَوَلّد ـــــــــــــــــ دو سال و چند ماہ بعد از تولد پیغمبر عَليهِ الصَّلوٰةُ وَالتَّسلِيم. تَاريخِ وَفَات ــــــــ 22 جمادى الثانى 13 ھ. مُدَّتِ خِلافَت ـــــ 2 سال و 3 ماه.

• ـــــــــــــــــــــــــــــــــــــــــــــــــــــ(2)ـــــــــــــــــــــــــــــــــــــــــــــــــــــ*

                  *خَلیفَۂ دوم*

نام ــــــــــــــــــــــــــــــــــ عُمَر. لقب ـــــــــــــــــــــــــــــــ فَارُوق. کُنّیت ـــــــــــــــــــــــــــ اَبُو حَفص. نام پِدَر ــــــــــــــــــــــ خَطَّاب. نام مَادَر ــــــــــــــــــــ حنتمہ. سَالِ تَوَلّد ـــــــــــــــــ 583 م. در مكہ. تَاريخِ وَفَات ــــــــ 1 محرم الحرام 23 ھ. مُدَّتِ خِلافَت ـــــ 10 سال و 6 ماه.

• ـــــــــــــــــــــــــــــــــــــــــــــــــــــ(3)ـــــــــــــــــــــــــــــــــــــــــــــــــــــ*

                  *خلیفۂ سوم*

نام ــــــــــــــــــــــــــــــــــ عُثمَان. لقب ـــــــــــــــــــــــــــــــ ذُوالنُّورَين. کُنّیت ـــــــــــــــــــــــــــ اَبُو عَبدُاللّٰه. نام پِدَر ــــــــــــــــــــــ عَفَّان. نام مَادَر ــــــــــــــــــــ اروى. سَالِ تَوَلّد ـــــــــــــــــ 576 م. تَاريخِ وَفَات ــــــــ 18 ذوالحِجَّہ، بروزجمعہ. مُدَّتِ خِلافَت ـــــ 12 سال.

• ـــــــــــــــــــــــــــــــــــــــــــــــــــــ(4)ـــــــــــــــــــــــــــــــــــــــــــــــــــــ*

                 *خلیفۂ چہارم*

نام ــــــــــــــــــــــــــــــــــ عَلى. لقب ـــــــــــــــــــــــــــــــ مُرتَضىٰ ، اَسَدُاللّٰه. کُنّیت ـــــــــــــــــــــــــــ اَبُوالحَسَن ، اَبُو تُرَاب. نام پِدَر ــــــــــــــــــــــ عَبدِ مُنَاف (اَبُوطَالِب) نام مَادَر ــــــــــــــــــــ فَاطمَہ. سَالِ تَوَلّد ـــــــــــــــــ 10 سال قبل از بعثت. تَاريخِ وَفَات ــــــــ 21 رمضان, 40 ھ. مُدَّتِ خِلافَت ـــــ 4 سال و 9 ماه.

• ـــــــــــــــــــــــــــــــــــــــــــــــــــــ(5)ـــــــــــــــــــــــــــــــــــــــــــــــــــــ*

             *سعد بن ابی وقاص*

نام ــــــــــــــــــــــــــــــــــ سَعد. لقب ـــــــــــــــــــــــــــــــ فَارسِ اِسلام. کُنّیت ـــــــــــــــــــــــــــ اَبُو اِسحَاق. نام پِدَر ــــــــــــــــــــــ مَالِک. معروف بہ اَبِى وَقاص. نام مَادَر ــــــــــــــــــــ حمنہ. سَالِ تَوَلّد ـــــــــــــــــ 23 سال قبل از ہجرت. سَالِ وَفَات ــــــــــــ 55 ھ.

• ـــــــــــــــــــــــــــــــــــــــــــــــــــــ(6)ـــــــــــــــــــــــــــــــــــــــــــــــــــــ*

                 *سعید بن زید*

نام ــــــــــــــــــــــــــــــــــ سَعِيد. کُنّیت ـــــــــــــــــــــــــــ اَبُوالاَعوَار. نام پِدَر ــــــــــــــــــــــ زَيد. نام مَادَر ــــــــــــــــــــ فَاطمَہ. سَالِ تَوَلّد ـــــــــــــــــ 27 سال قبل از ہجرت. سَالِ وَفَات ــــــــــــ 51 ھ.

• ـــــــــــــــــــــــــــــــــــــــــــــــــــــ(7)ـــــــــــــــــــــــــــــــــــــــــــــــــــــ*

            *اَبُو عُبَیدَه بِن جَرَّاح*

نام ــــــــــــــــــــــــــــــــــ عَامِر. لقب ـــــــــــــــــــــــــــــــ اَمِينِ اُمَّت ، اَمِيرُالاُمرَاء. کُنّیت ـــــــــــــــــــــــــــ اَبُو عُبَيدَه. نام پِدَر ــــــــــــــــــــــ عَبدُاللّٰه بِن جرَّاح. سَالِ تَوَلّد ـــــــــــــــــ 40 سال قبل از ہجرت. سَالِ وَفَات ــــــــــــ 81 ھ.

• ـــــــــــــــــــــــــــــــــــــــــــــــــــــ(8)ـــــــــــــــــــــــــــــــــــــــــــــــــــــ*

             *طَلحَہ بِن عُبَیدُاللّٰه* 

نام ـــــــــــــــــــــــــــــــــــ طَلحَہ. لقب ـــــــــــــــــــــــــــــــ طلحہ الخیر ، طلحہ الفیاض ، طلحہ الجواد. کنيت ـــــــــــــــــــــــــــ اَبُو مُحَمَّد. نام پدر ــــــــــــــــــــــ عُبَیدُاللّٰه. نام مادر ــــــــــــــــــــ صبعہ. سالِ تولد ـــــــــــــــــ 596 م / 28 سال قبل از ہجرت. تاريخِ وفات ــــــــ 5 جمادی الثانی 36 ھ درجنگ جمل 656م.

• ـــــــــــــــــــــــــــــــــــــــــــــــــــــ(9)ـــــــــــــــــــــــــــــــــــــــــــــــــــــ*

                 *زُبَیر بِن عَوَام*

نام ــــــــــــــــــــــــــــــــــ زُبَير. لقب ـــــــــــــــــــــــــــــــ اَبُو عَبدُاللّٰه. کنیت ـــــــــــــــــــــــــــ حَوَارئ رَسُولُ اللّٰه (صَلَّى اللّٰه عَلیهِ وَسَلَّم) نام پدر ــــــــــــــــــــــ عَوَام. نام مادر ــــــــــــــــــــ صَفيہ. سالِ تولد ـــــــــــــــــ 28 سال قبل از ہجرت. تاریخِ وفات ــــــــ 5 جمادی الثانی 36 ھ.

• ـــــــــــــــــــــــــــــــــــــــــــــــــــــ(10)ـــــــــــــــــــــــــــــــــــــــــــــــــــــ*

(10) *عَبدُالرَّحمٰن بِن عَوف*

نام ــــــــــــــــــــــــــــــــــ عَبدُالرَّحمٰن. کنیت ـــــــــــــــــــــــــــ اَبُو مُحَمَّد. نام پدر ــــــــــــــــــــــ عَوف. نام مادر ــــــــــــــــــــ شفاء. سالِ تولد ـــــــــــــــــ 44 سال قبل از ہجرت. سالِ وفات ــــــــــــ 32 ھ.

حدیث میں ذکرترميم

ان 10 صحابہ کرام رضی اللہ عنہم اجمعین کا ذکر حضرت عبدالرحمن بن عوف رضي اللہ تعالٰی عنہ کی روایت کردہ حدیث میں ہے کہ:

عبدالرحمن بن عوف رضي اللہ تعالٰی عنہ بیان کرتے ہيں کہ نبی صلی اللہ علیہ وسلم نے فرمایا :

ابوبکر رضی اللہ تعالٰی عنہ جنتی ہیں ، عمر رضی اللہ تعالٰی عنہ جنتی ہیں ، عثمان رضي اللہ تعالٰی عنہ جنتی ہيں ، علی رضي اللہ تعالٰی عنہ جنتی ہیں، طلحہرضي اللہ تعالٰی عنہ جنتی ہیں ، زبیر رضي اللہ تعالٰی عنہ جنتی ہیں ، عبدالرحمن بن عوف رضی اللہ تعالٰی عنہ جنتی ہیں ، سعد رضي اللہ تعالٰی عنہ جنتی ہيں ، سعید رضی اللہ تعالٰی عنہ جنتی ہیں ، ابوعبیدہ رضي اللہ تعالٰی عنہ جنتی ہیں سنن ترمذی حدیث نمبر ( 3682 ) ۔

حدیث میں سعد سے مطلب سعد بن ابی وقاص رضی اللہ تعالٰی عنہ اور سعید سے مطلب سعید بن زید رضي اللہ تعالٰی عنہ ہیں ۔

ان صحابہ کرام کے علاوہ اوربھی کئی ایک صحابہ کو جنت کی خوشخبری دی گئی ہے مثلا خدیجہ بنت خویلد رضي اللہ تعالٰی عنہا، عبداللہ بن سلام اورعکاشہ بن محجن رضی اللہ تعالٰی عنہم وغیرہ۔

ایک ہی حدیث میں ان سب کے نام ذکر ہونے کی بنا پر انہیں عشرہ مبشرہ کہا جاتا ہے ۔

سجدہ ۔۔۔

سجدہ

عن ابْنِ عَبَّاسٍ رضي الله عنهما قَالَ : قَالَ رَسُولُ اللَّهِ صلى الله عليه وسلم :

عبد الله بن عباس رضی الله تعالی عنہ سے روایت ہے وہ کہتے ہیں : رسول الله صلی الله علیہ وسلم نے فرمایا 

 أُمِرْتُ أَنْ أَسْجُدَ 

مجھے سجدہ کرنے کا حکم دیا گیا ہے 

عَلَى سَبْعَةِ أَعْظُمٍ 

سات ہڈیوں پر 

 عَلَى الْجَبْهَةِ

پیشانی پر 

 وَأَشَارَ بِيَدِهِ إلَى أَنْفِهِ 

اور اپنے ہاتھوں سے اپنی ناک کی طرف اشارہ فرمایا 

 وَالْيَدَيْنِ 

اور دونوں ہاتھوں پر 

 وَالرُّكْبَتَيْنِ 

اور دونوں گھٹنوں پر 

 وَأَطْرَافِ الْقَدَمَيْنِ .

اور دونوں پاؤں کی انگلیوں پر 

وَلَا نَكْفِتَ الثِّيَابَ 

اور کپڑوں کو اکٹھا نہ کریں 

وَالشَّعَرَ".

اور نہ بالوں کو 

متفق علیہ 

یہ جو حضور اکرم صلی الله علیہ وسلم نے ارشاد فرمایا ہے کہ مجھے حکم دیا گیا ہے تو اس سے ثابت ہوتا ہے کہ ان اعضاء پر سجدہ کرنا واجب ہے۔ ناک اور پیشانی زمین پر لگانا فرض ہے بغیر ان کے رکھے سجدہ ادا نہ ہوگا۔ اگر سجدے میں دونوں پاؤں کے پنجے زمین سے بلند ہوں یعنی زمین پر رکھے ہوئے نہ ہوں تو نماز ٹوٹ جائے گی ، ایک پاؤں کا پنجہ زمین پر لگا ئے اور دوسرا بلند رکھے یعنی زمین پر لگا ہوا نہ ہو تو نماز مکروہ ہوجائے گی۔ پاؤں کے پنجوں کی انگلیاں قلبہ شریف کی طر ف ہوں اگر ایک انگلی بھی کعبہ شریف کی طر ف نہ ہو تو جائز نہ ہو گا۔

حدیث بالا سے یہ ثابت ہوتا ہے کہ رسول  الله صلی الله علیہ وسلم  نے سجدے میں جاتے وقت عادت کے تحت، یا خاک آلود ہونے کی وجہ سے ، کپڑے سمیٹنا منع فرمایا ہے ۔

آجکل  سجدے میں پاؤں رکھتے وقت بہت بے احتیاطی برتی جاتی ہے حالانکہ یہ بے احتیاطی ہی نماز کے فاسد ہونے کا باعث ہے۔ 

 عَنْ أَنَسٍ رضي الله عنه قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: 

اعْتَدِلُوا فِي السُّجُودِ

سجدے میں اعتدال برتو ۔ 

وَلَا يَبْسُطْ أَحَدُكُمْ ذِرَاعَيْهِ انْبِسَاطَ الْكَلْبِ

اور تم میں سے کوئی فرد اپنے ہاتھوں کو کتے کی طرح نہ بچھائے ۔ 

(راوی مسلم)

سجدے میں اپنی پیٹھ کو ہموار، ہاتھوں کو زمین پر، کہنیاں زمین سے بلند اور رانیں پیٹ سے جدا رکھنے کو اعتدال یا طمانیت کہتے ہیں اور یہی حضور اقدس صلی الله علیہ وسلم کا بتایا ہوا طریقہ ہے۔

براء بن عازب رضی الله تعالی عنہ سے روایت ہے ۔۔۔ قال قال رسول الله صلی الله علیہ وسلم 

إذَا سَجَدْت فَضَعْ كَفَّيْك 

سجدہ کرتے وقت اپنی ہتھیلیوں کو زمین پر رکھ 

وَارْفَعْ مِرْفَقَيْك 

اور اپنی کہنیاں زمین سے اٹھا لے 

 رَوَاهُ مُسْلِمٌ

وائل بن حجر رضی الله عنہ سے روایت ہے

’’ قال‘‘

وہ فرماتے ہیں کہ

 رأیت رسول اﷲ صلی اﷲ علیہ وسلم

میں نے رسول اکرم  صلی الله علیہ وسلم کو دیکھا 

اذا سجد وضع رکبتیہ قبل یدیہ

جب سرور کائنات صلی الله علیہ وسلم سجدہ کرتے تو دونوں ہاتھ زمین پر رکھنے سے پہلے دونوں گھٹنے زمین پر رکھتے

و اذا نھض‘‘ 

اور جب (سجدے سے ) اٹھتے

    رفع یدیہ قبل رکبتیہ 

تو گھٹنے اٹھانے سے پیشتر دونوں ہاتھ اٹھاتے۔

 (رواہ ابو داؤد و الترمذی ،و النسائی وابن ماجہ و الدارمی) 

عبدالرحمن بن شبل سے روایت ہے

’’ قال نہی رسول  ﷲ صلی  اﷲ علیہ وسلم

 وہ کہتے ہیں کہ رسول اکرم نے منع فرمایا ہے

’’ عن نقرۃ الغراب

 کوے کی طرح ٹھونگے مارنے سے۔

(رواہ ابوداؤد ، و النسائی

ابو داؤد عبداللہ بن اشعری رضی الله عنہ  سے روایت ہے ’’ ان رسول ﷲ صلی اﷲ علیہ وسلم رای رجلا 

یہ کہ رسول اکرم صلی الله علیہ وسلم  نے ایک شخص کو دیکھا 

’’لا یتم رکوعہ

کہ وہ اپنا رکوع پورا ادا نہیں کرتا

 ’’و ینقر فی سجودہ

 اور اپنے سجدے میں ٹھونگے مارتا ہے

وھو یصلی

حالانکہ وہ نماز پڑھ رہا تھا۔ 

’’فقال رسول اﷲ صلی اﷲ علیہ وسلم

‘ پس رسو ل اکرم نے ارشاد فرمایا 

 لو مات ھذا علی حالہ ھذا

 اگر اسی حالت پر یہ مرجاؤے 

مات علی غیر ملۃ محمد صلی اﷲ علیہ وسلم

تو یہ شخص حضور اکرم صلی الله علیہ وسلم کے طریقہ پر نہ مرا۔

مندرجہ بالا احادیث سے یہ بات پایہ ثبوت کوپہنچ چکی ہے کہ نماز میں تعدیل ارکان رکوع، سجود ، قومہ ، جلسہ میں طمانیت کتنی اہمیت رکھتے ہیں اور حضور اکرم  صلی الله علیہ وسلم  کی کتنی اہم سنن ہیں۔

پہلے تو عامۃ المسلمین نماز ہی ادا نہیں کرتے اور اگر ادا کرتے ہیں تو کس بے دردی سے ان سنن مطہرہ سے انحراف برتا جاتا ہے۔

 اس وقت تک ہماری نمازوں میں حظ ، لطف اور مقبولیت پیدا نہیں ہوسکتی اور نہ ہی یہ نمازیں ہمارے لئے نور ، حجت اور ذریعہ نجات بن سکتی ہیں جب تک کہ ہم رسول اکرم صلی الله علیہ وسلم کے ارشادات گرامی کے مطابق نماز ادا نہ کریں 

حضور اکرم  صلی الله علیہ وسلم نے ارشا د فرمایا ہے۔ 

’’جو شخص میری امت میں فساد کے وقت میری ایک سنت کو بھی زندہ کرے گا تو اس کو سو شہیدوں کا ثواب ملے گا‘‘

لہٰذا اس پُر فتن و پرآشوب زمانہ میں ہر ایک مسلمان کا فرض ہے کہ نماز میں اس طمانیت کی سنت کو زندہ کر کے (جو کہ اب مسلمانوں کے ہاتھوں مر چکی ہے) سو (۱۰۰) شہیدوں کا ثواب حاصل کرے۔

قضا نمازوں میں ترتیب کا حکم

قضا نمازوں میں ترتیب کا حکم

١. صاحبِ ترتیب کے لئے قضا نمازوں میں قضا و وقتی نماز میں ترتیب واجب ہے اور اسی طرح فرض اور وتر میں ترتیب واجب ہے پس اس کو چاہئے کہ پہلے قضا نمازوں کو ترتیب سے پڑھے یعنی جو سب سے پہلے قضا ہوئی ہے اس کو پہلے پڑھے پھر اس کے بعد والی پڑھے اسی ترتیب سے سب کو قضا کرے، وتروں کو بھی فجر کے فرضوں سے پہلے قضا کرے اگر کسی کی وتر کی نماز قضا ہو گئی اور اس کے سوا اور کوئی قضا نماز اس کو ذمہ نہیں ہے تو اس کو پہلے وتر کی قضا پڑھنی چاہئے اس کے بعد فجر کی نماز ادا کرے اگر وتر کی قضا یاد ہو اور وقت میں گنجائش ہوتے ہوئے پہلی فجر کی نماز پڑھ لی تو یہ درست نہیں ہوئی، اب پہلے وتر کی قضا پڑھے پھر فجر کی نماز دوبارہ پڑھے، اور وقتی نماز ان سب کے بعد میں پڑھے، اگر کسی نے فجر کی نماز پڑھی اور اس کو یاد تھا کہ وتر نہیں پڑھی تو امام ابو حنیفہ کے نزدیک اس کی فجر کی نماز فاسد ہو جائے گی لیکن نفل و سنت کے لئے یہ حکم نہیں ہے

٢. صاحب ترتیب وہ ہے جس کے ذمہ کوئی قضا نماز نہ ہو یا پانچ نمازیں یا اس سے کم اس کے ذمہ ہوں خواہ وہ پانچ نمازیں نئی ہوں یا پرانی یا دونوں طرح کی ہوں خواہ مسلسل ہوں یا متفرق، اگر کسی کے ذمے چھ یا زیادہ قضا نمازیں ہو جائیں تو وہ شخص صاحب ترتیب نہیں رہتا اس لئے اس کو ترتیب سے پڑھنا واجب نہیں ہے اس کو اختیار ہے جس نماز کو چاہے پہلے پڑھے جس کو چاہے بعد میں پڑھے