تعوّذ کے احکام و مسائل ۔| .The Meaning and Importance of Ta'awwuz: A Guide to Seeking Refuge from Satan

تعوّذ  کے معنی ہیں 

اَعُوذُ بِاللهِ مِنَ الشَّیْطَانِ الرَّجِیْمِ 

          پڑھنا ۔ 

قرآن کریم میں ارشادِ باری تعالٰی ہے ۔

فَاِذَا قَرَاْتَ الْقُرْاٰنَ فَاسْتَعِذْ بِاللهِ مِنَ الشَّیْطٰنِ الرَّجِیمِ ۔

 یعنی جب تم قرآن پڑھنے لگو تو الله تعالٰی کی پناہ مانگو شیطان مردود کے شر سے۔ 
تلاوتِ قرآن مجید سے پہلے تعوّذ پڑھنا باجماعِ امت  " سنت " ہے خواہ تلاوت نماز کے اندر ہو یا باہر  ۔

  تعوذ پڑھنا تلاوتِ قرآن  کے ساتھ مخصوص ہے ۔ علاوہ تلاوت دوسرے کاموں کے شروع میں صرف بسم الله  پڑھی جائے گی ۔ تعوذ مسنون نہیں  

اوّل۔۔۔ جب قرُان مجید کی تلاوت شروع کی جائے تو اس وقت اعوذ بالله اور بسم الله دونوں پڑھی جائیں 
دوم ۔۔۔ تلاوتِ قرآن مجید کے درمیان میں جب ایک سورۃ ختم ہو کر دوسری سورۃ شروع ہو تو سورۃ توبہ کے علاوہ ہر سورۃ کے شروع میں دوبارہ  بسم الله پڑھی جائے ۔
سوم ۔۔۔  اگر قرآن مجید کی تلاوت سورۃ توبہ ہی سے شروع کر رہے ہوں تو اس کے شروع میں اعوذ بالله اور بسم الله پڑھنی چاہئے۔

تعوُّذ۔ ۔۔۔۔۔ اَعُوذُ بِالله مِنَ الشَّیطٰنِ الَّرجِیمِ
     اَعُوْذُ ۔                بِاللهِ  ۔ ُ     مِنَ ۔ الشَّیْطٰنِ ۔ الرَّجِیْمِ
     میں پناہ مانگتا / مانگتی ہوں ۔  الله تعالٰی کی ۔ سے ۔ شیطان ۔ مردود 
     اَعُوذُ بِاللهِ مِنَ الشَّیطٰنِ الرَّجِیْمِ 
میں الله تعالٰی کی پناہ مانگتا / مانگتی ہوں شیطان مردود سے

اللہ تعالٰی کی مخلوقات میں سے ایک مخلوق وہ بھی ہے جسےشیطان کہتے ہیں ۔ وہ آگ سے پیدا کیا گیا ہے ۔ جب فرشتوں اور آدم علیہ السلام کا مقابلہ ہوا ۔ اور حضرت آدم علیہ السلام اس امتحان میں کامیاب ہو گئے ۔ تو الله تعالٰی نے فرشتوں کو حکم دیاکہ وہ سب کے سب آدم علیہ السلام کے آگے جھک جائیں ۔ چنانچہ اُن سب نے انہیں سجدہ کیا۔ مگر شیطان نے سجدہ کرنے سے انکار کر دیا ۔ اس لئے کہ اسکے اندر تکبّر کی بیماری تھی۔ جب اس سے جواب طلبی کی گئی تو اس نے کہا مجھے آگ سے پیدا کیا گیا ہے اور آدم کو مٹی سے اس لئے میں اس سے بہتر ہوں ۔ آگ مٹی کے آگے کیسے جھک سکتی ہے ؟ شیطان کو اسی تکبّر کی بنا پر ہمیشہ کے لئے مردود قرار دے دیا گیا اور قیامت تک کے لئے اس پر لعنت کی گئی ۔ 

اب شیطان نے اپنی اس ذلّت کا بدلہ لینے کی ٹھان لی ۔ سب سے پہلے آدم علیہ السلام اور اُن کی بیوی کو بہکا کر جنّت سے نکلوا دیا ۔ اور اُس نے اس بات کا اعلان کر دیا کہ میں قیامت تک آدم کی اولاد کو صحیح راستے سے ہٹانے کی کوشش کرتا رہوں گا۔ اس کے معنی یہ ہیں کہ شیطان ہمارا مستقل دشمن ہے ۔ اس لئے الله تعالٰی نے ہمیں حکم دیا کہ اس طرح الله کے حضور میں دُعا کریں ۔ 

" اے میرے رب میں آپ کی پناہ مانگتی/ مانگتا ہوں شیطان کے وسوسوں سے ۔ اے میرے رب میں آپ کی پناہ مانگتی / مانگتا ہوں اس سے کہ شیطان میرے پاس بھی آئے " 

پیارے نبی حضرت محمد صلی الله علیہ وسلم نے ارشاد فرمایا۔ جس کا مفہوم یہ ہے کہ شیطان تمہارے رگ و ریشہ میں اس طرح اثر کرتا ہے ۔ جس طرح کہ خون تمام جسم میں دوڑتا ہے ۔ شیطان آدمی کو دیکھتا ہے مگر آدمی شیطان کو نہیں دیکھ سکتا ۔ نہ اس کے حملہ سے آسانی کے ساتھ بچاؤ کر سکتا ہے ۔ اس لئے ہر انسان کے لئے ضروری ہے کہ وہ شیطان کے اثر سے پناہ مانگے ۔

قرآن کریم میں ارشاد باری تعالٰی ہے ۔

فَاِذَا قَرَاْتَ الْقُرْاٰنَ فَاسْتَعِذْ بِاللهِ مِنَ الشَّیْطَانِ الرَّجِیْمِ۔ 

یعنی جب تم قراٰن کی تلاوت کرنے لگو تو الله تعالٰی سے پناہ مانگو شیطان مردود کے شر سے 

  قراٰن مجید کی تلاوت کے آداب میں یہ بات شامل ہے کہ تلاوت کی ابتداء میں 

 

اَعُوْذُ بِاللهِ مِنَ الشَّیْطٰنِ الرَّجِیْمِ 

پڑھا جائے ۔ تاکہ الله جلَّ شانُہ ہمیں اپنی پناہ میں لے لے ۔ اور اس نیک کام میں شیطان کو بہلانےاور پھسلانے کا موقعہ نہ ملے۔

اٰیات کی غلط تاویل سے معنوں کی حقیقت بدل جاتی ہے ۔ الله تعالٰی ہمیں ہر قسم کی گمراہیوں سے محفوظ رکھے ۔ آمین ۔۔

Introduction

In the journey of a believer, spiritual protection is as vital as physical safety. Every day, we face invisible battles against distractions, arrogance, and the subtle whispers that lead us away from peace. In Islam, the ultimate shield against these forces is Ta’awwuz—the act of reciting "A’uzu Billahi Minash Shaitanir Rajim." But this phrase is much more than just a ritualistic opening for prayer or Quranic recitation; it is a profound declaration of our need for Divine protection against an ancient and persistent enemy. In this post, we explore the deep spiritual meaning of seeking refuge, the historical roots of Satan’s enmity toward humanity, and why invoking Allah's name is the most powerful way to safeguard our hearts and minds from the whispers of the accursed.