مذہبی اختلاف
وَمَا ۔۔۔اخْتَلَفَ ۔۔۔۔۔۔۔ فِيهِ ۔۔۔ إِلَّا ۔۔۔۔۔۔۔ الَّذِينَ ۔۔۔۔۔۔۔۔۔۔۔۔۔۔۔۔۔ أُوتُوهُ
اور نہیں اختلاف کیا ۔۔ اس میں ۔۔ مگر ۔۔ وہ لوگ ۔۔ جو دئیے گئے وہ (کتاب)
مِن ۔۔۔ بَعْدِ ۔۔۔ مَا ۔۔۔۔۔۔۔۔۔۔۔ جَاءَتْهُمُ ۔۔۔۔۔۔۔۔۔ الْبَيِّنَاتُ ۔۔۔ بَغْيًا ۔۔۔۔ بَيْنَهُمْ
سے ۔۔ بعد ۔۔ جو ۔۔ آچکے ان کے پاس ۔۔ واضح احکام ۔۔۔۔ ضد ۔۔ آپس میں
فَهَدَى ۔۔۔۔۔۔۔ اللَّهُ ۔۔۔۔۔۔ الَّذِينَ ۔۔۔۔۔۔۔ آمَنُوا ۔۔۔۔۔۔۔۔۔۔۔۔۔۔۔۔ لِمَا ۔۔۔۔۔۔۔۔۔۔ اخْتَلَفُوا ۔۔۔۔۔۔۔۔۔ فِيهِ
پس ھدایت دی ۔۔ الله تعالی ۔۔ وہ لوگ ۔۔ جو ایمان لائے ۔۔ اس کے لئے ۔۔ اختلاف کیا انہوں نے ۔۔ اس میں
مِنَ ۔۔۔الْحَقِّ ۔۔۔۔۔۔۔ بِإِذْنِهِ ۔۔۔۔۔۔۔۔۔۔۔ وَاللَّهُ ۔۔۔۔۔۔۔۔ يَهْدِي ۔۔۔۔۔۔۔۔۔۔ مَن
سے ۔۔ سچ ۔۔ اس کے حکم سے ۔۔ اور الله ۔۔ وہ ھدایت دیتا ہے ۔۔۔ جسے
يَشَاءُ ۔۔۔ إِلَى ۔۔۔ صِرَاطٍ ۔۔۔ مُّسْتَقِيمٍ 2️⃣1️⃣3️⃣
وہ چاہتا ہے ۔۔۔ طرف ۔۔ راستہ ۔۔۔ سیدھا
وَمَا اخْتَلَفَ فِيهِ إِلَّا الَّذِينَ أُوتُوهُ مِن بَعْدِ مَا جَاءَتْهُمُ الْبَيِّنَاتُ بَغْيًا بَيْنَهُمْ فَهَدَى اللَّهُ الَّذِينَ آمَنُوا لِمَا اخْتَلَفُوا فِيهِ مِنَ الْحَقِّ بِإِذْنِهِ وَاللَّهُ يَهْدِي مَن يَشَاءُ إِلَى صِرَاطٍ مُّسْتَقِيمٍ. 2️⃣1️⃣3️⃣
اور کتاب میں صرف انہی لوگوں نے جھگڑا ڈالا جنہیں کتاب ملی اس کے بعد کہ انہیں صاف حکم پہنچ چکے آپس کی ضد سے۔ پھر الله تعالی نے ھدایت دی ایمان والوں کو اس سچی بات کی جس میں وہ جھگڑ رہے تھے اپنے حکم سے اور الله جسے چاہتا ہے سیدھا راستہ بتاتا ہے ۔
اَلّذين اُوتُوه ( جنہیں ملی تھی ) ان سے مراد وہ لوگ ہیں ۔ جنہیں نبیوں کے واسطے سے کتابیں ملی تھیں ۔ خصوصاً ان قوموں کے امام اور پیشوا کیونکہ یہی لوگوں کو گمراہی کی طرف لے جاتے اور عوام صرف ان کے پیچھے ہو لیتے ۔
بَغْياً بينَهُم (آپس کی ضد سے ) یہاں یہ بات صاف ہو گئی کہ اختلاف اور جھگڑے کا اصل سبب آپس کی ضد اور نفسانیت تھی ۔ اور یہ وجہ ہرگز نہ تھی کہ خود الله تعالی کے حکموں میں کمی یا ایچ پیچ تھا ۔
بِاِذنه ( اپنے حکم سے ) قرآن مجید میں لفظ اذن" حکم اور اجازت دونوں معنوں میں آیا ہے ۔ یہاں مراد الله کا فضل اور توفیق ہے ۔
آیت کے اس حصے میں بتایا گیا ہے کہ الله کے نبی اورکتابوں کے آجانے کے بعد انہی لوگوں نے اختلاف ڈالا جن کو وہ کتابیں ملی تھیں ۔ مثلا یہودیوں اور عیسائیوں کے امام و پیشوا تورات اور انجیل میں اختلاف ڈالتے تھے ۔ ان کے معنٰی بدل دیتے تھے اور ان کی شرح و تفسیر بھی من مانی کرتے تھے ۔ یہ سارا اختلاف وہ بے سمجھی سے نہیں کرتے تھے بلکہ آپس کی ضد ، حسد اور دنیاوی مال و متاع کے لالچ میں کرتے تھے ۔
ان حالات میں الله تعالی نے اپنے فضل و کرم سے ان لوگوں کو جو ایمان کے طالب تھے اور جن میں ایمان کی صلاحیت موجود تھی سیدھے راستے کی ھدایت فرمائی ۔ اس پر چلنے کی توفیق بخشی ۔ اور انہیں گمراہ لوگوں کے اختلاف سے بچایا ۔
اس آیت سے یہ بھی پتہ چلتا ہے کہ دنیا کا دستور کچھ ایسا ہے کہ بُرے لوگ اختلاف ڈالتے ہیں اور ہمیشہ اسی میں سرگرم رہتے ہیں ۔ اس لئے ایمان والوں کو ان کے پیچھے نہیں لگنا چاہئیے ۔ بلکہ الله کے نبی صلی الله علیہ وسلم کی ھدایت اور تعلیم کے مطابق عمل کرنا چاہئیے ۔ ھدایت وہی ہے جو الله سبحانہ و تعالی نے دی اور کامیابی اسی طریقے پر چلنے
سے حاصل ہو گی جو الله جل جلالہ نے دکھایا ۔۔۔۔
درس قرآن ۔۔۔ مرتبہ درس قرآن بورڈ
تبصرے