اور جو ۔۔۔ ہے ۔۔ مریض ۔۔ یا ۔۔ پر ۔۔۔ سفر
فَعِدَّةٌ ۔۔۔ مِّنْ ۔۔ أَيَّامٍ ۔۔۔ أُخَرَ ۔۔۔ يُرِيدُ ۔۔۔ اللَّهُ
پس شمار کرنا ۔۔ سے ۔۔ دن ۔۔ دوسرے ۔۔ وہ چاہتا ہے ۔۔ الله تعالی
بِكُمُ ۔۔۔ الْيُسْرَ ۔۔۔ وَلَا ۔۔۔ يُرِيدُ ۔۔۔ بِكُمُ ۔۔۔۔الْعُسْرَ
تم سے ۔۔۔ نرمی ۔۔ اور نہیں ۔۔ وہ چاہتا ۔۔ تم سے ۔۔۔ تنگی
وَمَن كَانَ مَرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ
اور جو کوئی بیمار ہو یا سفر پر ہو تو اور دنوں میں گنتی پوری کرنی چاہئیے الله تعالی تم پر آسانی چاہتا ہے اور تم پر دشواری نہیں چاہتا ۔
اس آیت میں قرآن مجید نے یہ حقیقت ظاہر کی ہے ۔ کہ دین فطرت یعنی اسلام نہایت آسان اور سہل ہے ۔ اسلام انسان سے سخت مشقتیں ، دشوار ریاضتیں اور ناقابل عمل عبادتیں نہیں چاہتا ۔ بلکہ اسلام میں بہت سی گنجائشیں اور بے شمار سہولتیں رکھ دی گئی ہیں ۔ کمزور مجبور انسانوں کو رعایتیں دی گئی ہیں ۔ اسلامی شریعتمیں کوئی ایسا حکم نہ ملے گا جس میں انسان کے حالات ، عمر ، صحت ، موسم اور دوسری مجبوریوں یا مشکلوں کا لحاظ نہ کر لیا گیا ہو ۔
پچھلی آیت میں یہ حکم دیا گیا تھا کہ جو شخص اپنی زندگی میں رمضان کا مہینہ پائے وہ روزے رکھے ۔ اس سے شائد بعض لوگوں کو یہ خیال ہوتا ہو کہ اس حکم میں سب آجاتے ہیں ۔ اور معذور کی رعایتنہیں رکھی گئی اس لئے اب حکم دھرا دیا گیا ہے ۔ کہ جو مریض اور مسافر ہو وہ رمضان کے بجائے کسی اور مہینے میں روزے رکھ سکتے ہیں ۔ اور الله تعالی کی خوشنودی حاصل کر سکتے ہیں ۔
اس آیت سے ہمیں یہ بھی پتہ چلتا ہے اگرچہ شریعت کے احکام بظاہر کسی قدر مشکل اور دشوار معلوم ہوتے ہیں لیکن دراصل وہ ہماری کامیابی ، ترقی اور آسانی ء راہ کے لئے ہوتے ہیں ۔ کیونکہ الله سبحانہ تعالی ہمارا خالق ، مالک معبود اور ارحم الرحمین ہے ۔ وہ ہر حالت میں ہماری آسانی اور سہولت کا لحاظ رکھتا ہے ۔ اس کا ہر حکم مصلحت زندگی اور خوش حالی کے لئے ہوتا ہے ۔
جن حکموں کو ہم مشکل سمجھتے ہیں ۔ دراصل وہ بھی آسان ہوتے ہیں ۔ ہم اپنی تن آسانی اور سستی کی وجہ سے انہیں مشکل سمجھتے ہیں ۔ واقعی ہم نے آج تک نہیں سنا کہ رمضان کے روزوں کی وجہ سے کوئی مرگیا ہو یا کسی کی صحت خراب ہو گئی ہو ۔ اس کے برعکس روزہ سے صحت بہتر ہوتی ہے روحانیت کا تو کیا ذکر ہے ۔۔۔
درس قرآن ۔۔ مرتبہ درس قرآن بورڈ
کوئی تبصرے نہیں:
ایک تبصرہ شائع کریں