وَإِذَا ۔۔۔قِيلَ ۔۔۔لَهُمُ ۔۔۔اتَّبِعُوا ۔۔۔مَا ۔۔ أَنزَلَ ۔۔۔اللَّهُ
اور جب ۔۔۔ کہا جاتا ہے ۔۔ ان سے ۔۔ تابعداری کرو ۔۔ جو ۔۔ اتارا ۔۔ الله تعالی
قَالُوا ۔۔۔ بَلْ ۔۔۔ نَتَّبِعُ ۔۔۔ مَا أَلْفَيْنَا ۔۔۔۔عَلَيْهِ
وہ کہتے ہیں ۔۔۔ بلکہ ۔۔ ہم پیروی کریں گے ۔۔ جو پایا ہم نے ۔۔۔ اس پر
آبَاءَنَا ۔۔۔ أَوَلَوْ ۔۔۔ كَانَ ۔۔۔آبَاؤُهُمْ
اپنے اجداد کو ۔۔ اگرچہ ۔۔۔ہوں ۔۔۔ باپ دادا ان کے
لَا يَعْقِلُونَ ۔۔۔ شَيْئًا ۔۔۔ وَلَا يَهْتَدُونَ۔ 1️⃣7️⃣0️⃣
نہیں وہ عقل رکھتے ۔۔۔ کچھ ۔۔۔اور نہیں وہ ھدایت یافتہ
وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا أَلْفَيْنَا عَلَيْهِ آبَاءَنَا أَوَلَوْ كَانَ آبَاؤُهُمْ لَا يَعْقِلُونَ شَيْئًا وَلَا يَهْتَدُونَ. 1️⃣7️⃣0️⃣
اور جب ان سے کہا جاتا ہے کہ تابعداری کرواس حکم کی جو الله تعالی نے نازل فرمایا تو کہتے ہیں ہم تو اس کی تابعداری کریں گے جس پر ہم نے اپنے باپ دادا کو پایا ۔ بھلا اگرچہ ان کے باپ دادا کچھ بھی نہ سمجھتے ہوں اور نہ سیدھی راہ جانتے ہوں ۔
اس آیت میں وہم پرستوں کی ایک عادتکا بیان ہے یعنی جب ان لوگوں سے کہا جائے کہ تم الله تعالی کی عبادت کرو ۔ اپنی زندگی کے ہر شعبے میںاس کے حکم اور قانون کی پیروی کرو ۔ اس کے حکموں کے مطابق دولت کماؤ اس کے حکموں کے مطابق خرچ کرو
معاملات میں ، لین دین میں ، خریدوفروختمیں ، شادی بیاہ میں، نکاح و طلاق میںاسی کی دی ہوئی شریعت کے مطابق عمل کرو تو وہ جواب دیتے ہیں کہ ہم تو اپنے باپ دادا اور اپنے بڑوں کی رسموں اور خاندانی روایات کا لحاظ کریں گے ۔ ہم تو ان راستوں پر چلیں گے جن پر ہم نے اپنے باپ دادا اوراپنے بڑوں بوڑھوں کو چلتے دیکھا ۔ گویا الله تعالی کے احکام کو چھوڑ کر یہ لوگ اپنے بڑے بوڑھوں کی روایات کو مانتے ہیں۔ ان کی رسموں کو مقدم سمجھتے ہیں ۔اور انہیں الله تعالی کی شریعت سے زیادہ اہمیت اور وقعت دیتے ہیں۔
الله جل شانہ فرماتا ہےیہ لوگ اپنے بڑوں کی اندھا دھند پیروی کرتے ہیں ۔ حالانکہ یہ ممکن ہے کہ ان کے باپ دادا کو کوئی سمجھ بوجھ نہ ہو ۔ وہ گمراہی میں بھٹک رہے ہوں ۔ سیدھی راہ سے بالکل ہٹے ہوئے ہوں۔لہذا ایسے باپ دادا کی اندھی پیروی سے یہ لوگ ضرور تباہی اور بربادی میں جا گریں گے ۔
علامہ اقبال نے اس تصور کو شاعرانہ انداز میں یوں بیان کیا ہے ۔
*آئینِ نو سے ڈرنا ، طرز کہن پہ اڑنا*
منزل یہی کٹھن ہے قوموں کی زندگی میں*۔ *
درس قرآن ۔۔۔ مرتبہ درس قرآن بورڈ
تبصرے