قَالُوا ۔۔۔۔۔۔۔۔۔۔ ادْعُ ۔۔۔۔۔۔۔۔۔۔۔۔۔۔۔لَنَا ۔۔۔۔۔۔۔۔۔۔۔۔۔رَبَّكَ
کہا انہوں نے ۔۔۔ تو دعا کر ۔۔۔ ہمارے لئے ۔۔۔ اپنے رب سے
يُبَيِّن ۔۔۔۔۔۔۔۔۔۔۔ لَّنَا ۔۔۔۔۔۔۔۔ مَا ۔۔۔۔۔۔۔۔۔۔لَوْنُهَا
خوب بیان کر دے ۔۔۔ ہمارے لئے ۔۔۔ کیا ۔۔ رنگ اس کا
قَالَ ۔۔۔۔۔۔۔۔۔۔۔إِنَّهُ ۔۔۔۔۔۔۔۔۔۔۔ يَقُولُ ۔۔۔۔۔۔۔۔۔۔۔۔۔۔إِنَّهَا
اس نے کہا ۔۔۔ بے شک وہ ۔۔۔ وہ کہتا ہے ۔۔۔ بے شک وہ
بَقَرَةٌ ۔۔۔۔صَفْرَاءُ ۔۔۔۔۔ فَاقِعٌ ۔۔۔۔۔۔۔۔۔لَّوْنُهَا
گائے ۔۔۔ زرد ۔۔۔ گہرا ۔۔۔ رنگ اس کا
تَسُرُّ ۔۔۔النَّاظِرِينَ۔ 6️⃣9️⃣
خوشی پاتے ہیں ۔۔۔ دیکھنے والے
قَالُوا ادْعُ لَنَا رَبَّكَ يُبَيِّن لَّنَا مَا لَوْنُهَا قَالَ إِنَّهُ يَقُولُ إِنَّهَا بَقَرَةٌ صَفْرَاءُ فَاقِعٌ لَّوْنُهَا
تَسُرُّ النَّاظِرِينَ. 6️⃣9️⃣
انہوں نے کہا ( اے موسٰی ) ۔ ہمارے لئے دعا کیجئے کہ وہ ( الله ) ہمیں بتا دے کہ اس گائے کا رنگ کیسا ہے ۔ اس نے کہا وہ ( الله ) فرماتا ہے کہ وہ گائے زرد رنگ کی ہے اس کی زردی خوب گہری ہے دیکھنے والوں کو اچھی لگتی ہے ۔
پچھلے سبق میں ہم نے پڑھ لیا کہ بنی اسرائیل نے موسٰی علیہ السلام سے اس گائے کے بارے میں خوامخواہ فضول سوال پوچھنے شروع کر دئیے ۔ پہلے عمر کے بارے میں سوال کیا ۔ جب بتایا گیا کہ وہ گائے نہ تو بوڑھی ہو اور نہ بچہ ۔ گویا سوال کرنے کی وجہ سے ان پر ایک شرط لگا دی گئی
وہ پھر بھی باز نہ آئے ۔ اور دوسرا سوال اٹھا کھڑا کیا ۔ کہ اس کا رنگ کیسا ہو ؟
اب حضرت موسٰی علیہ السلام نے الله تعالی سے پوچھنے کے بعد انہیں بتایا ۔ کہ اس گائے کا رنگ زدر ہو اور یہ رنگ بھی خوب شوخ اور کھلتا ہوا ہو ۔ کہ دیکھنے والوں کا دیکھتے ہی دل خوش ہو جائے ۔
گویا اگلے سوال کی وجہ سے ایک آسان سے حکم کی تعمیل میں ایک مشکل شرط لگا دی ۔ اور یہ سب کچھ بنی اسرائیل کی اپنی حرکتوں کا نتیجہ تھا ۔ کہ ایک اچھے بھلے سیدھے سادے اور آسان حکم کو خود اپنے ہاتھوں اس قدر مشکل اور پیچیدہ بنا رہے ہیں ۔
ان سوالات سے معلوم ہوتا ہے کہ یہ لوگ حد درجہ کام چور اور چالاک تھے ۔ وہ الله تعالی کے حکم میں ٹال مول کرنا چاہتے تھے ۔ انہیں اس بات کا احساس نہ تھا کہ اس حکم میں کس قدر حکمت پوشیدہ ہے ۔ جس کام کو اپنے لئے دشوار سمجھ رہے تھے اس میں ہزار مصلحتیں پوشیدہ تھیں ۔
بنی اسرائیل کے ایسے واقعات سے ہمیں سبق حاصل کرنا چاہئیے اور یہ بات ہمیشہ پلّے باندھ لینی چاہئیے کہ الله تعالی کے کسی حکم میں کسی قسم کی حجت کرنا اور بال کی کھال اتارنا اس حکم کی مصلحت ڈھونڈھنا ہرگز ہرگز مفید نہیں ہوتا ۔ اس سے پرہیز کرنا چاہئیے ۔اور بغیر کسی تنگی کے الله جل جلالہ کے احکام کو مان کر ان پر عمل کرنا چاہئیے ۔
درس قرآن ۔۔۔۔ مرتبہ درس قرآن بورڈ
تبصرے