*طہارت*

طہارت یعنی پاکی کا دین اسلام میں بڑا مرتبہ ہے ۔ 

قرآن مجید میں الله جل شانہ کا فرمان ہے ۔

إِنَّ اللَّهَ يُحِبُّ التَّوَّابِينَ وَيُحِبُّ الْمُتَطَهِّرِينَ

بلا شبہ الله تعالی دوست رکھتا ہے بہت توبہ کرنے والوں کو اور دوست رکھتا ہے خوب پاک رہنے والوں کو ۔ 

بقرہ ۔ ۲۲ 

اور رسول الله صلی الله علیہ وسلم نے فرمایا ۔ 

اَلطَّھُوْرُ شَطْرُ الْاِیْمَان۔ 

پاکیزگی ایمان کا حصہ ہے 

مسلم ۔

 لَا تُقْبَلُ صَلٰوۃٌ بِغَیْرِ طُھُوْرٍ 

وَلَا صَدَقَۃٌ بِغَیْرِ غُلُوْلٍ 

کوئی نماز بغیر پاکی کے قبول نہیں  ہوتی 

اور کوئی صدقہ حرام مال سے قبول نہیں ہوتا 

ترمذی ۔ 

ناپاکی یا نجاست دور کرنے کو طہارت کہتے ہیں ۔ 

ناپاکی یا نجاست دو طرح کی ہوتی ہے 

نجاست حُکمی ۔۔۔۔ جو  دیکھنے میں  نظر نہیں آتی ۔ لیکن شریعت کا حکم ہونے کی وجہ سے اسے ناپاکی مان کر پاک ہونا فرض ہوتا ہے ۔ ۔ یہ بھی دو قسم کی ہے ۔ 

  غسل فرض ہونا -۱

وضو فرض ہونا ۔ ۲ 

نماز درست ہونے کے لئے دونوں قسم کی نجاست سے پاک ہونا ضروری ہے ۔ یعنی غسل کی ضرورت ہو تو غسل کیا جائے ۔ اور وضو کی ضرورت ہو تو وضو کیا جائے ۔ 

ناپاکی یا نجاست کی دوسری قسم 

ایسی ناپاکی جو سامنے نظر آتی ہو ۔ اور شریعت نے اسے ناپاک کہا ہو ۔ اور ایسی چیزوں کو عموما انسان ناپاک اور گندہ سمجھتا ہے ۔ جیسے ۔۔۔ پیشاب ، خون  ، گوبر وغیرہ 

اس کی بھی دو قسمیں ہیں 

نجاست غلیظہ ۔۔۔  خون ، آدمی کا پیشاب ، پاخانہ ، منی ، شراب ، کتے بلی کے بال اور گدھے گھوڑے کی لید ، گائے بھینس کا گوبر ، بکری ، بھیڑ کی مینگنیں ۔ مرغی بطخ مرغابی کی بیٹ ، تمام حرام جانوروں کا پیشاب اور چھوٹے دودھ پیتے بچے کا پاخانہ پیشاب نجاست غلیظہ ہیں ۔ 

نجاست خفیفہ ۔۔۔ حرام پرندوں کی بیٹیں ۔ اور حلال چوپایوں  مثلا بکری ، گائے ، بھینس ، بیل اونٹ اور گھوڑے کا پیشاب نجاست خفیفہ ہیں ۔