قُلْ ۔۔۔ مَن ۔۔۔ كَانَ ۔۔۔۔۔۔ عَدُوًّا
فرما دیجئے ۔۔۔ جو ۔۔۔۔۔ ہے ۔۔۔ دشمن
لِّجِبْرِيلَ ۔۔۔۔۔۔۔۔۔۔۔۔ فَإِنَّهُ ۔۔۔۔۔۔۔۔۔ نَزَّلَهُ ۔۔۔۔۔۔۔۔۔۔ ۔۔۔ عَلَى
جبرائیل کا ۔۔۔ پس بے شک وہ ۔۔۔ اُتارا اُس نے اس کو ۔۔۔ پر
قَلْبِكَ ۔۔۔۔۔۔۔۔۔ بِإِذْنِ ۔۔۔۔۔۔۔۔ اللَّهِ ۔۔۔۔۔۔۔۔۔۔۔۔۔۔۔۔۔۔ مُصَدِّقًا
آپ کے قلب پر ۔۔۔ حکم سے ۔۔۔ الله تعالی ۔۔۔ تصدیق کرنے والا
لِّمَا ۔۔۔۔۔۔۔ ۔ بَيْنَ ۔۔۔۔۔۔۔۔۔ يَدَيْهِ ۔۔۔۔۔۔۔۔۔۔۔ وَهُدًى
اس کی جو ۔۔۔ ہے ۔۔۔ آگے اس سے ۔۔۔ اور ھدایت
وَبُشْرَى ۔۔۔ لِلْمُؤْمِنِينَ۔ 9️⃣7️⃣
اور خوشخبری ۔۔۔ مؤمنین کے لئے
مَن ۔۔۔ كَانَ ۔۔۔۔۔۔ عَدُوًّا ۔۔۔۔۔۔۔۔۔۔ لِّلَّهِ
جو ۔۔۔ ہے ۔۔۔ دشمن ۔۔۔ الله تعالی
وَمَلَائِكَتِهِ ۔۔۔۔۔۔۔۔ ۔۔۔ وَرُسُلِهِ ۔۔۔۔۔۔۔۔۔۔۔ وَجِبْرِيلَ ۔۔۔۔۔۔۔ وَمِيكَالَ
اور اس کے فرشتے ۔۔۔ اور رسول اس کے ۔۔۔ اور جبرائیل ۔۔۔ اور میکائیل
فَإِنَّ ۔۔۔۔۔۔۔ ۔۔ اللَّهَ ۔۔۔ عَدُوٌّ ۔۔۔ لِّلْكَافِرِينَ. 9️⃣8️⃣
پس بے شک ۔۔۔ الله تعالی ۔۔ دشمن ۔۔۔۔۔ کافروں کے لئے
قُلْ مَن كَانَ عَدُوًّا لِّجِبْرِيلَ فَإِنَّهُ نَزَّلَهُ عَلَى قَلْبِكَ بِإِذْنِ اللَّهِ مُصَدِّقًا لِّمَا بَيْنَ يَدَيْهِ وَهُدًى وَبُشْرَى لِلْمُؤْمِنِينَ 9️⃣7️⃣
مَن كَانَ عَدُوًّا لِّلَّهِ وَمَلَائِكَتِهِ وَرُسُلِهِ وَجِبْرِيلَ وَمِيكَالَ فَإِنَّ اللَّهَ عَدُوٌّ لِّلْكَافِرِينَ. 9️⃣8️⃣
فرما دیجئے جو کوئی جبرائیل کا دشمن ہو سو اس نے تو یہ کلام آپ کے دل پر الله تعالی کے حکم سے اتارا ہے کہ تصدیق کرنے والا ہے اس کلام کی جو اس سے پہلے کا ہے ۔ اور ھدایت اور خوشخبری ہے ایمان والوں کے لئے ۔
جو کوئی دشمن ہو الله تعالی اوراس کے پیغمبروں کا اور جبرائیل علیہ السلام اور میکا ئیل علیہ السلام کا تو الله تعالی ان کافروں کا دشمن ہے ۔
جبریل ۔ ( جبرائیل ) ۔ یہ ایک بہت بڑے فرشتے کا نام ہے ۔ ان کے سپرد ایک عظیم خدمت ہے ۔ یعنی یہ کہ الله جل جلالہ کی وحی اس کے پیغمبروں کو پہنچائیں ۔ جبریل امین ملائکہ مقربین میں شمار ہوتے ہیں ۔
اس آیت میں الله تعالی نے یہودیوں کی ایک اور جھوٹی اور بے معنی دلیل کی حقیقت کھول دی ہے ۔
یہودی کہتے تھے کہ ہمارے باپ دادا پر پر وقتا فوقتا جو عذاب نازل ہوتا رہا ہے ۔ اس کی خبریں جبریل ہی لایا کرتا تھا ۔جس نبی پر بھی یہ فرشتہ وحی لے کر آئے گا ہم اسے نہیں مانیں گے ۔
پیغمبر اسلام صلی الله علیہ وسلم پر یہی فرشتہ جبریل وحی لے کر آتا ہے ۔ اس کے علاوہ ہماری خفیہ باتوں ، سازشوں اور تدبیروں سے نبی آخر الزماں صلی الله علیہ وسلم کو آگاہ کر دیتا ہے ۔ لہذا ہم اسلام قبول نہیں کریں گے ۔ الله جل شانہ نے اس کا جواب اس آیت میں دیا ہے کہ جبریل کی حیثیت تو محض پیغام پہنچانے والے ایک فرشتے کی ہے ۔ اصل میں ہر قسم کا حکم اور عذاب الله جل جلالہ ہی کی طرف سے نازل ہوتا ہے ۔ جبریل اور دوسرے فرشتوں یا رسولوں کی دشمنی بالکل بے معنی ہے ۔ اس کی سزا میں کافر خود الله تعالی کی دشمنی کے سزاوار ہوں گے ۔
الله تعالی نے اس آیت میں قرآن مجید کی تین صفات بیان فرمائی ہیں ۔
یہ پہلی کتابوں کے اصولوں کی تصدیق کرتا ہے ۔ ✳️
یہ سیدھی راہ دکھانے والی کتاب ہے ۔ ✳️
یہ ایمان لانے والوں کو نیک اجر اور کامیابی کی خوشخبری سناتا ہے ۔ ✳️
درس قرآن ۔۔۔ مرتبہ درس قرآن بورڈ
کوئی تبصرے نہیں:
ایک تبصرہ شائع کریں