إِنَّا ۔۔۔۔۔۔۔۔۔۔۔۔۔۔ ۔ أَرْسَلْنَاكَ ۔۔۔۔۔۔۔۔۔۔۔۔۔۔ بِالْحَقِّ
بے شک ہم نے ۔۔۔ ہم نے بھیجا آپ کو ۔۔۔ حق کے ساتھ
بَشِيرًا ۔۔۔۔۔۔۔۔۔ وَنَذِيرًا ۔۔۔۔۔۔۔۔۔۔۔ وَلَا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ تُسْأَلُ
خوشخبری دینے والا ۔۔۔ اور ڈرانے والا ۔۔۔ اور نہیں ۔۔ آپ سے سوال کیا جائے گا
عَنْ۔۔۔۔۔ أَصْحَابِ ۔۔۔الْجَحِيمِ. 1️⃣1️⃣9️⃣
سے ۔۔۔ رہنے والے ۔۔۔ دوزخ
إِنَّا أَرْسَلْنَاكَ بِالْحَقِّ بَشِيرًا وَنَذِيرًا وَلَا تُسْأَلُ عَنْ أَصْحَابِ الْجَحِيمِ۔ 1️⃣1️⃣9️⃣
بے شک ہم نے آپ کو حق کے ساتھ بھیجا ہے خوشخبری دینے والا اور ڈرانے والا اور دوزخ والوں کے بارے میں آپ سے پوچھا نہیں جائے گا ۔
بِالْحَقِّ ۔ ( حق کے ساتھ ) ۔ مراد یہ ہے کہ راہ حق کی طرف ہدایت کرنے والا بنا کر بھیجا ہے ۔ اور اس کے معنی یہ بھی ہیں کہ آپ سچی باتیں بتانے والے ہیں ۔ حق کے لئے روشن دلائل اور واضح ثبوت پیش کرنے والے ہیں ۔
بَشِیْرٌ ۔ ( خوشخبری دینے والا ) ۔ یعنی جو لوگ ایمان لائیں اور الله تعالی اور نبی صلی الله علیہ وسلم کے احکام کی پیروی کریں آپ انہیں نیک اعمال کے بدلے دنیا و آخرت میں فلاح اور بہتری کی خوشخبری دینے والے ہیں ۔
نَذِیْرٌ ۔ ( ڈرانے والا ) ۔ یعنی جو لوگ انکار اور سرکشی کریں ۔ انہیں ان کے اعمال کے بدلے دنیا اور آخرت میں عذاب سے ڈرانے والے ہیں
آنحضرت صلی الله علیہ وسلم کی یہ دو بہت اہم خصوصیات ہیں ۔
اس آیت میں الله تعالی نے رسول الله صلی الله علیہ وسلم سے فرمایا کہ ہم نے آپ کو دینِ حق دے کر بھیجا ہے ۔ جو لوگ آپ کی اطاعت اور فرمانبرداری کریں گے اور آپ کے پیچھے چلیں گے وہ ایمان دار ہیں ۔ اور ان کے لئے آپ نیک اجر کی خوشخبری دینے والے ہیں ۔ البتہ جو آپ کی نافرمانی کریں گے اور آپ کے پیچھے نہیں چلیں گے وہ کافر ہیں ۔ اور وہ دوزخ میں جائیں گے ۔ ان کے لئے آپ بُرے انجام کی خبر دینے والے ہیں ۔
نبی اور رسول کا کام صرف الله تعالی کا حکم لوگوں تک پہنچانا ہے اور بس ۔۔۔ کافروں کو مسلمان بنا دینے کی ذمہ داری کسی نبی پر نہیں ہوتی ۔ اس لئے آپ صلی الله علیہ وسلم بھی ذمہ دار نہیں ہیں ۔
کوئی تبصرے نہیں:
ایک تبصرہ شائع کریں