مَا ۔۔۔۔۔۔۔ نَنسَخْ ۔۔۔۔۔۔۔۔۔۔۔۔۔۔۔ مِنْ آيَةٍ ۔۔۔۔۔ أَوْ ۔۔۔۔۔۔۔۔۔۔۔۔۔ نُنسِهَا
جو ۔۔۔ ہم منسوخ کر دیتے ہیں ۔۔۔ آیت سے ۔۔۔ یا ۔۔ ہم بُھلا دیتے ہیں
نَأْتِ ۔۔۔۔۔۔۔ بِخَيْرٍ ۔۔۔۔۔ مِّنْهَا ۔۔۔۔۔۔۔۔۔ أَوْ مِثْلِهَا
ہم لے آتے ہیں ۔۔۔ بہتر ۔۔۔ اس سے ۔۔۔ یا اس جیسا
أَلَمْ ۔۔۔۔۔۔۔۔۔۔ تَعْلَمْ ۔۔۔۔۔۔۔۔۔۔ أَنَّ ۔۔۔۔۔۔۔ اللَّهَ ۔۔۔۔ عَلَى
کیا نہیں ۔۔۔ تم جانتے ۔۔۔ بے شک ۔۔۔ الله تعالی ۔۔۔ پر
كُلِّ ۔۔۔ شَيْءٍ ۔۔۔۔۔۔۔۔۔۔۔۔۔۔۔۔۔ قَدِيرٌ۔ 1️⃣0️⃣6️⃣
ہر ۔۔۔ چیز ۔۔ قدرت رکھنے والا ہے
أَلَمْ ۔۔۔۔۔۔۔۔۔ تَعْلَمْ ۔۔۔۔۔۔ أَنَّ ۔۔۔۔۔۔۔ اللَّهَ ۔۔۔۔۔۔۔۔۔۔۔۔۔۔۔۔۔۔ لَهُ
کیا نہیں ۔۔۔ تم جانتے ۔۔ بے شک ۔۔ الله تعالی ۔۔۔ اس کے لئے
مُلْكُ ۔۔۔ ۔ السَّمَاوَاتِ ۔۔۔ وَالْأَرْضِ ۔۔۔۔۔ ۔۔۔ وَمَا ۔۔۔۔۔۔۔۔۔۔ ۔ لَكُم
بادشاہی ۔۔۔ آسمانوں ۔۔۔ اور زمین ۔۔۔ اور نہیں ۔۔۔ تمہارے لئے
مِّن ۔۔ دُونِ ۔۔۔ اللَّهِ ۔۔۔ مِن ۔۔۔ وَلِيٍّ ۔۔۔ وَلَا ۔۔۔نَصِيرٍ. 1️⃣0️⃣7️⃣
سے ۔۔۔ سوا ۔۔ الله تعالی ۔۔۔ دوست ۔۔ اور نہ مددگار
مَا نَنسَخْ مِنْ آيَةٍ أَوْ نُنسِهَا نَأْتِ بِخَيْرٍ مِّنْهَا أَوْ مِثْلِهَا أَلَمْ تَعْلَمْ أَنَّ اللَّهَ عَلَى كُلِّ شَيْءٍ قَدِيرٌ. 1️⃣0️⃣6️⃣
ہم جو آیات منسوخ کر دیتے ہیں یا بُھلا دیتے ہیں ۔ تو اس سے بہتر یا اس کے برابر بھیج دیتے ہیں کیا تمہیں معلوم نہیں کہ الله تعالی ہر چیز پر قادر ہے ۔
أَلَمْ تَعْلَمْ أَنَّ اللَّهَ لَهُ مُلْكُ السَّمَاوَاتِ وَالْأَرْضِ وَمَا لَكُم مِّن دُونِ اللَّهِ مِن وَلِيٍّ وَلَا نَصِيرٍ. 1️⃣0️⃣7️⃣
کیا تمہیں معلوم نہیں کہ آسمانوں اور زمین کی سلطنت الله تعالی ہی کے لئے ہے اور تمہارے لئے الله تعالی کے سوا کوئی حمایتی ہے نہ کوئی مددگار
مَا نَنْسَخْ مِنْ آیَۃٍ ۔ ( جو آیت ہم منسوخ کرتے ہیں ) ۔ اس جملے میں دو لفظ قابل غور ہیں ۔ ایک آیت دوسرے نسخ ( بدلنا ) ۔ آیت کے لفظی معنی نشانی کے ہیں ۔ اور اس سے مراد کئی چیزیں لی جاتی ہیں مثلا معجزہ جو الله تعالی کی قدرت اور نبی کی نبوت کا نشان ہوتا ہے ۔ حکم الٰہی اور قرآن حکیم کی آئتیں ( گول گول نشان وغیرہ ) ۔
نَنْسَخ ( ہم منسوخ کرتے ہیں ) ۔ یعنی ایک حکم کی جگہ دوسرا حکم دیتے ہیں ۔ پہلے حکم کو ختم کرکے دوسرا حکم جاری کرتے ہیں ۔ جہاں تک معجزےکے بدلنے کا تعلق ہے تو یہ عام بات ہے کہ ایک معجزے کو منسوخ کرکے دوسرا معجزہ الله تعالی دے سکتا ہے ۔ جسے وہ بدلے ہوئے زمانے کے مطابق پہلے سے زیادہ موزوں سمجھتا ہو ۔
جہاں تک دوسرے معنی کا تعلق ہے اس میں مزید دو باتیں نکلتی ہیں
ایک تو پہلی آسمانی کتابوں کی آیات ۔۔۔ اور دوسرے خود قرآن مجید کی آیات
سابقہ آسمانی کتابوں کا قرآن مجید کے آجانے کے بعد منسوخ ہو جانا تو بالکل کُھلی ہوئی بات ہے ۔
قرآن مجید کی آیات پر گول گول نشانات بعد کے زمانے میں لگائے گئے ۔ شروع میں یہ نشان موجود نہ تھے ۔ لہذا ان کے منسوخ ہونے کا سوال ہی پیدا نہیں ہوتا ۔ بلکہ صحیح قول یہی معلوم ہوتا ہے کہ آیات کے منسوخ ہونے مراد یہ ہے کہ الله تعالی کے پہلے احکام اور قدیم کتابوں کی جگہ نئےاور جدید احکام آگئے ۔ اور یہ احکام پہلے حکموں کو منسوخ کرتے ہیں ۔
یہ بھی یہودیوں کا طعنہ تھا کہ وہ مسلمانوں سے کہتے کہ تمہاری کتاب میں بعض آیات کا حکم منسوخ ہو جاتا ہے ۔ اگر یہ کتاب الله تعالی کی طرف سے ہوتی تو جس عیب کی وجہ سے اب حکم منسوخ ہوا ۔ کیا الله تعالی کو اس خرابی کا علم پہلے سے نہ تھا ۔
الله جل جلالہ نے فرمایا کہ خرابی یا عیب نہ پہلی بات میں تھا نہ پچھلی میں ۔ لیکن حاکم مناسب وقت دیکھ کر جو چاہے حکم کرے ۔ اُس وقت وہ حکم مناسب تھا اور اب دوسرا حکم مناسب ہے ۔
الله جل شانہ کی قدرت اور ملکیت و حاکمیت سب پر ہے ۔ اپنے بندوں کے لئے اعلٰی درجہ کی مہربانی اور عنایت ، نیک و صالح اعمال پر بہترین اجر و منافع اس کے سوا اور کس کے پاس ہو سکتا ہے ۔ الله تعالی کے سوا کون ہے جو اپنے بندوں کا بہترین دوست اور مددگار و خیر خواہ ہوسکتا ہے ۔ بے شک الله جل شانہ ہر چیز پر قدرت رکھتا ہے ۔
درس قرآن ۔۔۔ مرتبہ درس قرآن بورڈ
تفسیر عثمانی
کوئی تبصرے نہیں:
ایک تبصرہ شائع کریں