وَمَا ۔۔۔۔ هُم ۔۔۔۔۔۔۔۔۔ ۔ بِضَارِّينَ ۔۔۔۔۔۔۔۔۔۔ ۔ بِهِ ۔۔۔۔۔۔۔۔۔۔۔ ۔مِنْ أَحَدٍ
اور نہیں ۔۔۔ وہ ۔۔ نقصان پہنچانے والے ۔۔۔ اس سے ۔۔۔ کسی ایک کو
إِلَّا ۔۔ ۔۔بِإِذْنِ ۔۔۔اللَّهِ ۔۔۔۔ ۔۔۔ وَيَتَعَلَّمُونَ ۔۔۔۔۔۔۔۔ ۔۔۔ مَا
مگر ۔۔۔ حکم ۔۔۔ الله ۔۔۔ اور وہ سیکھتے تھے ۔۔۔ جو
يَضُرُّهُمْ ۔۔۔۔۔۔۔۔۔۔۔ ۔۔ وَلَا ۔۔۔۔۔۔۔۔۔۔ يَنفَعُهُمْ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وَلَقَدْ
نقصان پہنچاتا تھا اُن کو ۔۔۔ اور نہیں ۔۔۔ وہ نفع دیتا تھا اُن کو ۔۔۔ اور البتہ تحقیق
عَلِمُوا ۔۔۔۔۔۔۔۔۔۔۔۔ ۔ لَمَنِ ۔۔۔۔۔۔۔۔۔۔ ۔۔ اشْتَرَاهُ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ مَا لَهُ
جان لیا انہوں نے ۔۔۔ جس شخص نے ۔۔۔ اختیار کیا اس کو ۔۔۔ نہیں ہے اس کے لئے
فِي الْآخِرَةِ ۔۔۔۔ مِنْ ۔۔۔۔۔ خَلَاقٍ ۔۔۔۔۔۔۔۔۔۔۔ ۔ وَلَبِئْسَ
آخرت میں ۔۔۔ سے ۔۔۔ حصہ ۔۔۔ اور البتہ بُرا ہے
مَا ۔۔۔۔۔۔۔ ۔ شَرَوْا ۔۔۔۔۔۔۔۔۔۔ ۔۔ بِهِ ۔۔۔ ۔۔۔۔۔۔۔۔۔۔۔۔ أَنفُسَهُمْ
جو ۔۔۔ بیچا انہوں نے ۔۔۔ بدلے اس کے ۔۔۔ اپنی جانوں کو
لَوْ ۔۔ كَانُوا ۔۔ يَعْلَمُونَ. 1️⃣0️⃣2️⃣
کاش ۔۔۔ وہ ہوتے ۔۔۔۔۔۔۔۔۔۔۔۔ وہ جانتے
وَلَوْ ۔۔۔۔۔ ۔۔ أَنَّهُمْ ۔۔۔۔۔۔ ۔۔ آمَنُوا ۔۔۔۔۔۔۔۔ ۔ وَاتَّقَوْا
اور اگر ۔۔۔ بے شک وہ ۔۔۔ ایمان لاتے ۔۔۔ اور ڈرتے
لَمَثُوبَةٌ ۔۔۔ ۔۔۔ مِّنْ ۔۔۔۔۔ ۔۔ عِندِ اللَّهِ ۔۔۔۔۔۔۔۔۔ ۔ خَيْرٌ
تو ٹھکانہ ہوتا ۔۔۔ سے ۔۔ الله تعالی کے پاس ۔۔۔ بہتر
لَّوْ ۔۔۔ كَانُوا ۔۔۔ يَعْلَمُونَ. 1️⃣0️⃣3️⃣
کاش ۔۔ وہ ہوتے ۔۔۔۔۔۔۔۔۔ ۔۔ وہ جانتے
وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلَا يَنفَعُهُمْ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ وَلَبِئْسَ مَا شَرَوْا بِهِ أَنفُسَهُمْ لَوْ كَانُوا يَعْلَمُونَ۔ 1️⃣0️⃣2️⃣
وَلَوْ أَنَّهُمْ آمَنُوا وَاتَّقَوْا لَمَثُوبَةٌ مِّنْ عِندِ اللَّهِ خَيْرٌ لَّوْ كَانُوا يَعْلَمُونَ. 1️⃣0️⃣3️⃣
اور وہ اس سے کسی کا نقصان نہیں کر سکتے الله تعالی کے حکم کے بغیر اور وہ وہ چیز سیکھتے ہیں جو ان کونقصان پہنچاتی ہے اور ان کو فائدہ نہیں دیتی اور تحقیق وہ خوب جان چکے ہیں کہ جس نے یہ اختیار کیا اس کے لئے آخرت میں کچھ حصہ نہیں اور جس کے بدلے انہوں نے اپنے آپ کو بیچا وہ بہت بُری ہے کاش ان کو سمجھ ہوتی
اور اگر وہ ایمان لاتے اور تقوٰی اختیار کرتے تو الله تعالی کے پاس بہتر بدلہ پاتے ۔ کاش کہ وہ جانتے
آیت کے اس حصے میں الله تعالی نے جادو اور سفلی عملیات کی اصل حقیقت کھول کر بیان کر دی ہے ۔ اور اس کا انجام بھی بتایا ہے ۔ اگرچہ وہ دوسروں کے نقصان کے لئے جادو کرتے تھے ۔ لیکن الله جل شانہ فرماتا ہے کہ وہ ہمارے حکم کے بغیر کسی کو بھی نقصان نہیں پہنچا سکتے ۔ بلکہ اس سے خود ان ہی کا نقصان ہوتا ہے ۔ ان بُرے اعمال میں پھنس کر وہ اپنی آخرت برباد کر رہے ہیں ۔ ممکن ہے وہ دنیا کے کچھ عارضی فائدے حاصل کر لیں ۔ لیکن آخرت میں ان کے لئے کوئی نعمت نہیں ۔
یہودی اپنا دین اور کتاب کا علم چھوڑ کر جادو ٹونے اور سحر کے پیچھے لگ گئے ۔ یہ جادو لوگوں میں دو طریقوں سے پھیلا ۔
اول ۔۔ تو یہ کہ حضرت سلیمان علیہ السلام کے زمانے میں کیونکہ جنّات اور انسان اکٹھے رہتے تھے تو انسانوں نے شیطان جنوں سے جادو سیکھا ۔ اور اس کی نسبت حضرت سلیمان علیہ السلام کی طرف کر دی کہ ہمیں تو جادو کا علم حضرت سلیمان سے حاصل ہوا ہے کیونکہ ان کی انسانوں اور جنّوں پر حکومت اسی جادو کی وجہ سے تھی ۔
تو الله جل شانہ نے فرما دیا کہ یہ کفر کا کام سلیمان علیہ السلام کا نہیں ہے ۔
دوم ۔۔ جادو پھیلا ہاروت اور ماروت کے ذریعے سے جو دو فرشتے تھے ۔ بابل شہر میں انسانی شکل میں رہتے تھے ۔ ان کو علمِ سحر سے آگاہی تھی ۔ جب کوئی ان کے پاس جادو سیکھنے کے لئے آتا تو وہ اس کو منع کرتے ۔ اور کہتے کہ جادو سیکھنے سے ایمان جاتا رہے گا ۔ اگر وہ پھر بھی باز نہ آتا تو اسے سکھا دیتے ۔ الله تعالی ان کے ذریعے سے بندوں کو آزماتا تھا ۔
الله تعالی فرماتا کہ ایسے علموں سے آخرت میں کچھ نفع نہیں بلکہ سراسر نقصان ہے ۔ اور دنیا میں بھی تکلیف کا سبب ہے ۔ان لوگوں نے ایک معمولی سی چیز کے بدلے اپنے آپ کو اور اپنی آخرت کو قربان کر دیا ۔ اگر اس روش کے بجائے وہ نیکی کی راہ اختیار کرتے ۔ علم دین اور علم کتاب سیکھتے الله جل شانہ پر ایمان لاتے اور اس کے عذاب سے ڈرتے تو یقینا الله کریم انہیں بہتر اجر دیتا ۔
درس قرآن ۔۔۔ مرتبہ درس قرآن بورڈ
تفسیر عثمانی
کوئی تبصرے نہیں:
ایک تبصرہ شائع کریں